O‘zbekistonlik yengilmas bokschi Shohjahon Ergashevning professional ringdagi 12-jangi mamlakat telekanallarida ilk bor namoyish etiladi.

Foto: Telegram

13-yanvar kuni Toshkent vaqti bilan 08:00 da ringga ko‘tariladigan Shohjahon Ergashev ishtirokidagi jangni Sport-TV orqali to‘g‘ridan-to‘g‘ri tomosha qilish mumkin. Bunda o‘zbekistonlik charm qo‘lqop ustasi boshqa bir yengilmas bokschi — amerikalik Soni Fredriksonga qarshi ringga chiqadi.

Fredrikson professional boksda 18 ta jang o‘tkazgan bo‘lib, ularning barchasida raqiblarini mag‘lub etishga muvaffaq bo‘lgan. 12 ta jangini nokaut bilan yakunlashga muvaffaq bo‘lgan.

Shohjahon Ergashev vs Soni Fredrikson. Jangga 24 soatdan kam vaqt qoldi. Tarozida janjal kelib chiqdi (video)

Mazkur jangdagi g‘alaba Shohjahon Ergashevni o‘z vazn toifasida kuchli 10 talikka olib kirishi mumkin.