“Atletiko” va “Valensiya” yirik g‘alabalar sabab Ispaniya Kubogi chorak finalida. Bugun “Real Madrid” o‘ynaydi

Futbol bo‘yicha Ispaniya Kubogining chorak finaliga yo‘l olgan ikki jamoa nomi ma’lum: “Valensiya” va “Atletiko”.

Madrid klubi quyi liga vakiliga qarshi birinchi bellashuvdayoq barcha masalani hal qilib qo‘ygandi, javob o‘yinida ham Diyego Simeone jamoasi yirik g‘alabani tantana qildi. La Liganing so‘nggi turida qizil kartochka olib maydonni tark etgan, kubokning ilk o‘yinida esa gol urgan Diyego Kosta, javob o‘yinida ham maydonga tushdi va ikkinchi golga pas uzatdi.

“Valensiya”ga esa chorak final yo‘lida La Liga vakili raqib bo‘lgandi. Safardan 1:1 hisobidagi durang bilan qaytib kelgan “ko‘rshapalaklar”, javob o‘yinida raqib darvozasiga javobsiz 4 ta gol urishning uddasidan chiqa oldi.

Nimchorak finalning yana 3 ta o‘yini bugun, shunchasi esa ertaga — 11-yanvar kuni o‘tkaziladi. Madridning “Real” klubi barcha masalaga bugun oqshom oydinlik kiritsa, Vigoda durang o‘ynagan “Barselona” jilla qursa o‘zaro to‘qnashuvlarning uchinchisida “Selta”ni taslim qilishga urinib ko‘radi.

Ispaniya Kubogi 1/8 final 9-yanvar, seshanba

“Atletiko” — “Leyda” 3:0

“Valensiya” — “Las-Palmas” 4:0

10-yanvar, chorshanba“Alaves” — “Formentara” (3:1)“Vilyarreal” — “Leganes” (0:1)“Real Madrid” — “Numansiya” (3:0)

11-yanvar, payshanba“Sevilya” — “Kadis” (2:0)“Barselona” — “Selta” (1:1)“Levante” — “Espanyol” (2:1)