Rossiyaning Sankt-Peterburg shahrida O‘zbekiston fuqarosi Yangi yil bayramini nishonlash chog‘ida zaharlanib o‘ldi. Bu haqda 1News xabar bermoqda.

Foto: 1News

Aytilishicha, uch nafar o‘zbekistonlik bayram dasturxoni uchun aroq sotib olgan. Sifatsiz aroqni ichgan erkaklar zaharlangan. Ulardan biri hayotdan ko‘z yumgan.

Aytilishicha, ularni kvartiralaridan topib olishgan. Shifokorlar va politsiya yetib kelganida o‘zbekistonliklardan birining joni uzilib bo‘lgan edi.

Kriminalistlar aroqning qoldiqlarini ekspertizaga yo‘lladi.

Ulfatlar 23, 25 va 26 yoshda edi. 23 yoshli marhumning tanasi sud ekspertizasi mutaxassislari tomonidan tekshirilmoqda.