Animatsion filmlari va oilaviy kinomahsuloti bilan mashhur Walt Disney kinokompaniyasi Fox mediaxoldingini 52,5 milliard dollarga sotib olishini ma’lum qildi. Bu haqda TJournal xabar bermoqda.

Foto: TJournal

Shartnomaga ko‘ra, 20th Century Fox kinostudiyasi bilan birga Disney National Geographic, Sky va FX teletarmoqlariga, shuningdek, Marvel personajlari va boshqa kinofranshizalar uchun mualliflik huquqiga ega bo‘ladi. Bular orasida “Iks odamlar”, “Dedpul”, “Fantastik to‘rtlik”, “Yirtqich”, “Begona”, “Maymunlar sayyorasi”, “Avatar” va boshqalar bor.

Shartnomaga Fox’ning telebiznesi hamda uning sport va yangilik kanallari kirmadi — ular News Corporation nazorati ostida qoladi.