Dunyoning eng zodagon bo‘ydoq shahzodalari (foto)

“Gazeta.ru” hali uylanmagan shahzodalar ro‘yxatini e’lon qildi.

Gretsiya va Daniya shahzodasi Filipp

Anna-Mariya va Konstantin II ning kenja o‘g‘li Buyuk Britaniyada  — oila Gretsiyada monarxiya tugatilganidan keyin abadiy surgunga mahkum bo‘lganidan 19 yil o‘tib tug‘ilgan. Ayni paytda 31 yoshli bo‘ydoq shahzoda AQShda yashaydi. Jorjtaun universitetini bitirgach, u endi xej-fondda ishlaydi.

Bruney shahzodasi Azim

Bruney qirolining to‘ng‘ich o‘g‘li 35 yoshli Azim Oksfordni bitirgan. U xayriya bilan shug‘ullanadi, filmlarga prodyuserlik qiladi va Gollivud yulduzlari ishtirokida hashamatli ziyofatlar uyushtiradi.

Lixtenshteyn shahzodasi Venzeslaus

Lixtenshteyn knyazlik oilasi a’zosi 43 yoshli Venzeslaus 2003—2006-yillarda braziliyalik fotomodel — Adriana Lima bilan uchrashib, shu orqali sariq matbuot e’tiboriga tushgan.

Dubay valiahd shahzodasi Hamdan ibn Muhammad al Maktum

Dubay hukmron sulolasi a’zosi, 35 yoshli Hamdan bin Muhammad bin Rashid al Maktum shu paytgacha uylanmagan, u oilaviy qadriyatlardan o‘z qiziqishlarini ustun qo‘yadi. Uning xobbilari haqida Instagram’dagi qariyb 6 million kishi kuzatib boradigan akkaunti orqali xabardor bo‘lish mumkin.

U Sandxerstdagi qirollik harbiy akademiyasida ta’lim olgan, shuningdek, London iqtisodiyot va siyosiy fanlar maktabini bitirgan. Shahzoda NH Capital LLP xej-fondi rahbari, uning nomi bilan atalgan yangi universitet prezidenti, Yosh tadbirkorlarni qo‘llab-quvvatlash ligasi rahbari, Dubay amirligi sport qo‘mitasi rahbari va boshqa lavozimlarda ham ishlaydi.

Albert Turn-i-Taksis

Turn-i-Taksis avlodining 12-knyazi va Germaniyaning eng boy odamlaridan biri Albert 35 ga to‘lay deb qolgan bo‘lsa-da, hali bo‘ydoq. 7 yoshida u 3 milliard dollar, pivo zavodlari, tegirmonlar, bank, 30 ming gektar yerni meros qilib olgan. Edinburg universitetini iqtisodiyot va ilohiyot yo‘nalishi bo‘yicha bitirgan.

Lyuksemburg shahzodasi Sebastyan

Lyuksemburgning hukmron gersogi Anri va Mariya-Tereza Mestrening o‘g‘li 25 yoshli Sebastyan merosxo‘rlar ro‘yxatida beshinchi. U Angelsberg maktabida, Avliyo Georgiy xalqaro maktabida, Oksforddadi Summer Fields School’da va Amplfort kollejida o‘qigan. So‘ng Lyuksemburgdagi xalqaro maktab va Sandxerst harbiy akademiyasini bitirgan. Ayni paytda AQShdagi yetakchi universitetlardan birida marketing va kommunikatsiyalarni o‘rganmoqda.

Iordaniya shahzodasi Husayn ibn Abdulla

23 yoshli shahzoda voyaga yetganidan keyin regent rolini bajarib, xalqaro tadbirlarda otasiga hamrohlik qilishni boshlagan. 21 yoshida BMT Xavfsizlik kengashi majlisida qatnashgan, bir necha oy avval esa BMT Bosh Asambleyasida nutq so‘zladi.