Xitoy aviakompaniyasi tarmoqda styuardessalardan biri yo‘lovchilarga tarqatilmay qolgan taomni iste’mol qilayotgani aks etgan video paydo bo‘lganidan so‘ng qizni ishdan chetlatdi. Bu haqda “Vesti.ru” xabar bermoqda.

Foto: “Vesti.ru”

Lavha Urumqi Air aviakompaniyasi reyslaridan birida yo‘lovchi tomonidan samolyot qo‘nishidan sal avval tasvirga olingan. Kadrlarda qiz qutilarga joylashtirilgan yegulikdan totib ko‘rayotgani aks etgan.

Kompaniya styuardessa havo kemasi bortidagi iste’mol qilinmagan taomdan foydalanish tartibini buzgani va ishdan chetlatilganini bildirdi.

Xitoydagi ko‘plab internet foydalanuvchilari styuardessani himoya qilib chiqdi va baribir tashlab yuboriladigan taomdan totishning hech bir qo‘rqinchli joyi yo‘qligini ta’kidladi. Buni tasvirga olgan va tarmoqqa joylashtirgan yo‘lovchini tentakka chiqarganlar ham bo‘ldi.

https://youtu.be/JveZphNQpnw