Futbol bo‘yicha Eron chempionatining 15-turida o‘zbekistonlik Server Jeparov dubl qayd etdi.

Foto: “Makebiz.uz”

U to‘p suradigan Tehronning “Istiqlol” klubi “Sepaxon”ni qabul qilib, yirik — 3:0 hisobida zafar quchdi. Jeparov avvaliga jarima zarbasini aniq amalga oshirib, jamoasining hisobdagi ustunligini mustahkamlagan bo‘lsa, ikkinchi bo‘lim boshida jarima maydonchasi tashqarisidan aniq zarba yo‘llashga muvaffaq bo‘ldi.

O‘zbekiston milliy terma jamoasi a’zosi joriy mavsum “Istiqlol”ning 14 ta o‘yinida maydonga tushdi va 3 ta gol urishga muvaffaq bo‘ldi. Bu borada Jeparov jamoasining to‘purari bo‘lib turgani diqqatga sazovor.

Bugun o‘tadigan O‘zbekiston Kubogining finalidan keyin Timur Kapadze futbolchilik karyerasini yakunlaydi

“Istiqlol”ning ishlari esa u qadar yurishayotgani yo‘q. 15 ta o‘yinda faqatgina 11 ta gol urgan jamoa, turnir jadvalida 8-o‘rinni egallab turibdi. Klub peshqadam “Persipolis”dan 13 ochko ortda qolib ketgan.

Eron Pro Ligasi

15-tur uchrashuvi

6-dekabr, chorshanba

“Istiqlol” — “Sepaxon” 3:0

Gollar: Ali Gurbaniy, 4 (1:0). Server Jeparov, 36 (2:0). Server Jeparov, 47 (3:0).

Foto: Soccerway