Fotogalereya: Jangari filmlarning haqiqiy qahramonlari “soyadan chiqdi”

AdMe filmlarda bosh qahramonlarning o‘zlari uddalashga qiynaladigan xavfli tryuklarni aslida kimlar ijro etishi haqida ma’lumot to‘plab taqdim etdi.

Jeykob Tomuri — Tom Xardining dublyori

Tom Xardining so‘nggi filmlari — Mad Max, “Afsona” va “Omon qolgan” filmlaridagi eng xavfli va murakkab sahnalarni aynan Jeykob ijro etgan.

Baster Rivz — Bred Pitt va Tom Xardining dublyori

Baster Rivz — aktyor, kaskadyor va ko‘plab mashhur filmlarda, jumladan, “Taxtlar o‘yini”, “Troya”, “Qora ritsar” kabi filmlarda tryuklar sahnalashtiruvchisi. Rivz 13 yoshida Ginnesning rekordlar kitobidan joy olgan: u bir daqiqa ichida oyog‘i bilan manekenning boshiga 218 ta zarbani amalga oshirgan. Keyinchalik Rivz ushbu rekordini yangilab, zarbalar sonini 256 taga chiqargan.

Tanoay Rid — Dueyn Jonsonning dublyori

Ular bir-biriga juda o‘xshash bo‘lganligi sabab suratga olish vaqtida grimchilarning xizmatiga u qadar ehtiyoj sezilmaydi.

Pol Darnell — Robert Pattinsonning dublyori

Vampir Edvard Kallinga qiyinchilik tug‘diruvchi sahnalarni Pol Darnell ijro etgan.

Monik Ganderton — Sharliz Teronning dublyori

Monik Ganderton Sigurni Uiver, Lili Sobeski, Deril Xanna, Rebekka Romin, Famke Yanssen va Sharliz Teron filmlarida murakkab sahnalarni ijro etuvchi kaskadyor bo‘libgina qolmay, o‘zi ham aktrisa sifatida kinoda rol ijro etadi. Uning “X odamlar: Qiyomat kuni” va “G‘ayritabiiy” kabi filmlari mashhur.

Xaydi Manimeyker — Skarlett Yoxanssonning dublyori

Xaydi tryuklarni ijro etuvchi boshqa kaskadyorlar kabi yoshligidan gimnastika bilan shug‘ullangan. Marvel’ning filmlaridagi Natasha Romanoff ijro etgan birorta rol Xaydining ishtirokisiz suratga olinmagan.

Bobbi Xolland — Kris Xemsvortning dublyori

Bobbi Xolland o‘zining to‘rt yillik umrini professional kaskadyor bo‘lishga sarflagan. Hozirda u 35 dan ortiq to‘liq metrajli filmlarda qatnashgan.

Lyusi Romberg — Dryu Berrimor, Melissa Makkarti va Piter Dinkleyjning dublyori

Lyusi Rombergni kuchli irodasi sabab “Po‘lat” Lyusi deb atashadi. U o‘z vaqtini erkaklarga xos bo‘lgan sport turlariga — friran va parkurga sarflaydi. Shu bilan birga kino uning ijodini ajralmas qismiga aylanib ulgurgan.

Kiran Shax — Elayja Vudning dublyori

“Uzuklar hukmdori” trilogiyasida bosh qahramonga aynan Kiran Shax dublyorlik qilgan.