Rossiya tergov qo‘mitasi Ijevsk shahrida ko‘p qavatli uyning qulashiga sabab bo‘lgan portlash ro‘y bergan kvartirada istiqomat qiluvchi fuqaroni qotillikda aybladi. Bu haqda “Gazeta.ru” xabar bermoqda.

Foto: Reuters

Aytilishicha, kvartirada onasi bilan yashab kelgan Aleksandr Kopitov yo‘l qo‘ygan beparvolik tufayli portlash kelib chiqqan, buning oqibatida podyezd va undagi 32 kvartira vayron bo‘lgan.

Eslatib o‘tamiz, 9-noyabr kuni Ijevsk shahrida to‘qqiz qavatli uy podyezdining qulashi oqibatida 32 kvartira vayron bo‘ldi. Oxirgi ma’lumotlarga qaraganda, fojia qurbonlari soni olti kishiga yetdi.