Tayvan ma’muriyati rahbari Say Inven 28-oktabr kuni Tinch okeani turnesi doirasida AQShning Gavayi shtatiga tashrif buyurdi. Bu haqda, Reuters’ga asoslanib, “TASS” xabar bermoqda.
Muqaddam rasmiy Pekin ushbu safarning amalga oshishiga e’tiroz bildirgan edi. Shunga qaramay, Say Inven Gavayiga keldi.
Say Inven Gavayida 1941-yili Pyorl-Xarborda AQSh harbiy-dengiz kuchlariga Yaponiya tomonidan uyushtirilgan hujum oqibatida cho‘kib ketgan “Arizona” linkoriga o‘rnatilgan yodgorlikni ziyorat qilishi kutilmoqda.
Gavayiga tashrif — Tinch okeani turnesining boshlanishi. Say Inven AQSh suvereniteti ostidagi Guam oroliga hamda Vashington bilan uyushgan Marshall orollariga ham safar qilishi kutilmoqda.
Izoh (0)