“Bavariya” raqibi “Borussiya”ga yetib olishi uchun Yupp Xaynkes tashrifidan keyin 2 tagina tur kerak bo‘ldi

Germaniya Bundesligasining 9-turiga kelib “Bavariya” va “Borussiya Dortmund” klublari jamg‘argan ochkolar tenglashdi. Bunda dortmundlik futbolchilar 3 ta ko‘proq gol urgani uchun ham turnir jadvalida peshqadam bo‘lib turibdi.

Ikki tur avval “Bavariya” bosh murabbiy Karlo Anchelottini iste’foga chiqarib, uning o‘rniga klub bilan eng yuksak natijalardan birini qo‘lga kiritgan Yupp Xaynkesni qaytargandi. Oradan 2 ta tur o‘tib, “Bavariya” futbolchilari peshqadam bilan tenglashib oldi.

Mavsumni juda yaxshi boshlagan “Borussiya” esa omadsizliklar girdobiga kirib qolgan. Chempionlar Ligasida Kipr jamoasini yenga olmagan, so‘nggi turda vitse-chempion “Leyptsig”dan mag‘lub bo‘lgan Peter Bosh jamoasi, bu safar Frankfurtdan ochko yo‘qotib qaytdi. 2 ta gol farqi bilan oldinda borayotgan Dortmund klubi, yakunda 2 ta gol o‘tkazib yubordi.

Germaniya Bundesligasi 9-tur bellashuvlari 20-oktabr, juma

“Shalke” — “Maynts” 2:0

Gollar: Leon Goretska, 13 (1:0). Gvido Burgshtaller, 74 (2:0).

21-oktabr, shanba

“Ayntraxt” — “Borussiya Dortmund” 2:2

Gollar: Nuri Shaxin, 19 (0:1). Maksimilian Filipp, 57 (0:2). Sebastyan Aller, 64-pen (1:2). Mariush Volf, 68 (2:2).

“Leyptsig” — “Shtutgart” 1:0

Gol: Marsel Zabittser, 23 (1:0).

“Gamburg” — “Bavariya” 0:1

Gol: Korenten Tolisso, 52 (0:1).Chetlatish: Gideon Yung, 38 (G).

22-oktabr, yakshanba“Volfsburg” — “Xoffenxaym” — 21:00