FIFA sobiq prezidenti Yozef Blatter kelasi yil Rossiyada bo‘lib o‘tadigan Jahon Chempionatiga tashrif buyuradi. Bu haqda “Sports.ru” Blatterning so‘zlariga tayanib ma’lumot berdi.
Sobiq amaldor shaxsan Rossiya prezidenti Vladimir Putinning o‘zi uni Rossiyaga taklif etgani haqida jurnalistlarga aytib berdi. Vaholanki, FIFA bir yil avval u va UEFA sobiq prezidenti Mishel Platinini 8 yilga futboldan chetlatgan, keyinroq bu muddatni 6 yil deb qisqartirgandi.
Blatter Rossiyaga kelganida ham futbol uchrashuvlariga rasmiy mehmon sifatida tashrif buyura olmaydi. U o‘yinlarga kirishni istasa, o‘z yonidan chipta sotib olishi kerak. Putin bu borada Platiniga ham taklif bilan chiqqanmi yoki yo‘q — ma’lum emas.
Izoh (0)