JCh—2018 da ishtirok etish uchun harakat qilayotgan Yevropa mamlakatlari saralashning 9-turini o‘tkazmoqda.
“D” guruhida bir emas uch terma Rossiya mundiali uchun da’vogar bo‘lib turibdi. Mazkur turda Serbiya masalani muddatidan avval hal qilishi mumkin edi. Biroq JChdan quruq qolgan avstriyalik futbolchilar bunga yo‘l qo‘ymadi va serblarni taslim qildi — 3:2.
Uels esa Gruziya maydonida zafar quchib, imkoniyatlarini yaxshilab oldi. Garet Beyl vatandoshlari saralashni mag‘lubiyatsiz o‘tkazib ham, to‘g‘ridan-to‘g‘ri yo‘llanmadan quruq qolishi mumkin. Chunki Serbiya so‘nggi turda Gruziyani qabul qilib, katta ehtimol bilan yo‘llanmani naqd qiladi.
So‘nggi turda Uels va Irlandiya termalari pley-off yo‘llanmasi uchun kurashda bo‘ladi. Tomonlarning Dublinda o‘tgan o‘yinida hisob ochilmagandi. Endi irlandlar Kardiffga tashrif buyuradi. Bellashuv 9-oktabrda bo‘lib o‘tadi.
JCh—2018 da ishtirok etishi aniq bo‘lgan mamlakatlar:Rossiya, Braziliya, Eron, Yaponiya, Meksika, Belgiya, Janubiy Koreya, Saudiya, Germaniya, Angliya, Ispaniya.
Gruziya — Uels 0:1
Gol: Tom Lourens, 49 (0:1).Avstriya — Serbiya 3:2
Gollar: Luka Milivoyevich, 11 (0:1). Gvido Burgshtaller, 25 (1:1). Marko Arnautovich, 76 (2:1). Nemanya Matich, 83 (2:2). Luis Shaub, 89 (3:2).Irlandiya — Moldova 2:0
Gollar: Deril Merfi, 2 (1:0). Deril Merfi, 19 (2:0).Chetlatish: Aleksandr Gatskan, 92+ (M).
Izoh (0)