2017-yilning 24-sentabr kuni “Panorama” kinoteatrida Toshkent shahar IIBB PPXB shaxsiy tarkibining ota-onalari va yaqin qarindoshlari ishtirokida uchrashuv bo‘lib o‘tdi, deb yozadi Toshkent shahar IIBB matbuot xizmati.
Mazkur uchrashuvda post-patrul xizmati xodimlarining xizmat vaqtida hamda ishdan tashqari vaqtlardagi yurish-turishi va xulq-atvori, alohida xodimlarning ishdagi hamkasblariga nisbatan munosabatlari, oilaviy sharoitlari, PPX xodimlari tomonidan amalga oshirilgan ishlarga doir dolzarb masalalar muhokama qilindi.
Shuningdek, o‘zini ijobiy tarafdan ko‘rsatgan xodimlar, ularning xizmatda erishgan yutuqlariga to‘xtalib, ishga bo‘lgan ishtiyoqi va ijobiy natijalarga erishganliklarida ularning ota-onalari, rahbarlari va ustozlarining o‘rni muhim ahamiyatga ega ekanligi e’tirof etildi.
O‘z navbatida, mazkur xodimlar rag‘batlantirilib, ularning ota-onalariga esa tashakkur bildirildi.
Izoh (0)