Janubiy Karolinada shamol yerga qo‘nmoqchi bo‘lgan samolyotni uchirib ketdi (video)

Alligient kompaniyasiga tegishli bo‘lgan samolyot 11-sentabr kuni Janubiy Korolinaning Mertl-Bich aeroportiga qo‘nishni amalga oshirayotgan vaqtida “Irma” to‘fonining shamoliga duch keldi, deb xabar berdi Forum Daily.

Skrinshot: Twitter/@Ed Piotrowski

Samolyot Xarrisburgdan (Pensilvaniya) ko‘tarilgan bo‘lib, qo‘nishni amalga oshira olmaganidan so‘ng Shimoliy Karolinaning Roli shahriga yo‘naltirilib yuborilgan, deb yozadi Daily Mail.

Shamolning samolyotni tom ma’noda uchirib ketayotgani tasvirlangan video ABC 15 kanali xodimi Ed Piotrovski tomonidan tasvirga olingan.

Ushbu video ostiga izoh qoldirganlar uchuvchining mahoratiga tasanno aytishmoqda.

Jurnalistning qo‘shimcha qilishicha, Mertl-Bich aeroportidagi ko‘plab reyslar bekor qilingan yoki vaqtinchalik to‘xtatilgan.

↓ KEYINGI XABAR ↓
Boshiga chiqing