Boks bo‘yicha 2017-yilgi Jahon Chempionatini kumush medal bilan yakunlagan o‘zbekistonlik bokschilarga televizor sovg‘a qilindi, deb yozdi “Olamsport” nashri.

Foto: “Olamsport”

Rio—2016 Olimpiadasi chempioni Hasanboy Do‘stmatov ketma-ket ikki mundial finalida mag‘lub bo‘ldi. Uning kabi Andijondan bo‘lgan Jasur Latipov va Iqbol Xoldorov ham JChni kumush medal bilan yakunladi.

Andijon viloyati hokimligi mazkur uch charm qo‘lqop ustasini televizorlar bilan taqdirlashga qaror qildi. Bu boradagi suratlar ijtimoiy tarmoqlarda ko‘rinish berdi. Bungacha Buxoro viloyati hokimi JCh chempioni Shahram G‘iyosov va uning ustoziga Gentra avtomobili sovg‘a qilgandi.