Open Air tarzida tashkil etilgan I Milliy simfonik musiqiy kecha san’at ixlosmandlari uchun chinakam tuhfa bo‘ldi, deb ma’lum qiladi “O‘zbekiston 24”.
Alisher Navoiy nomidagi O‘zbekiston davlat akademik katta teatrida mazkur teatrning yangi 88-ijodiy mavsumi ochilishiga bag‘ishlangan tantanali tadbir bo‘lib o‘tdi.
Tadbir ochiq osmon ostidagi konsert tarzida tashkil etildi.
Alisher Navoiy nomi bilan yuritiluvchi ushbu teatr xalqaro miqyosda e’tibor qozongan ijodiy jamoadir. Katta teatrning opera va balet spektakllari, konsert dasturlari, san’at festivallari musiqa san’ati muxlislarining yuksak e’tirofiga sazovor bo‘lgan. Shu bilan birga, AQSh, Italiya, Rossiya, Yaponiya, Janubiy Koreya kabi davlatlarning san’atkorlari, ijodiy teatrlari bilan hamkorlikdagi loyihalari O‘zbekiston madaniy hayotida yorqin voqealar sifatida e’tirof etilgan.