Rossiyaliklarning ko‘pchiligi AQSh bilan munosabatlarning yaxshilanishini yoqlab chiqdi

Rossiya fuqarolarining 80 foizi AQSh bilan munosabatlarni yaxshilash payti keldi. Deb hisoblaydi. Buni “Obshchestvennoye mneniye” jamg‘armasi o‘tkazgan so‘rov natijalari ko‘rsatmoqda, deb xabar beradi “Interfaks”.

2015-yili bu ko‘rsatkich 49 foizni tashkil qilgan edi.

So‘rovnoma 15–16-iyul kunlari RFning 53 subyektidagi 104 aholi yashash punktida 1500 kishi orasida o‘tkazildi.

Umuman olganda, respondentlarning 39 foizi AQSh–Rossiya munosabatlarini yomon deb baholadi. 38 foizi odamlar esa bu munosabatlarning yaxshi jihatlari ham borligini ta’kidladi.

7-iyul kuni Gamburgdagi G20 sammitida Vladimir Putinning Donald Tramp bilan birinchi uchrashuvi bo‘lib o‘tdi. Bu uchrashuvdan rossiyaliklarning 43 foizi boxabar ekan, 36 foizi bu haqda nimadir eshitgan bo‘lib chiqdi, 20 foizi esa bu haqda sotsiologlardan eshitganini tan oldi.