Yashnobod tumanida Gentra halokatga uchradi, ikki kishi qurbon bo‘ldi

25-iyul kuni soat 16:30 da Toshkentning Yashnobod tumanida (Qo‘yliq-3 dahasi) dahshatli yo‘l-transport hodisasi yuz berdi, natijada ikki kishi halok bo‘ldi, deb yozadi “1news.uz”.

Guvohlar so‘zlariga ko‘ra, Gentra avtomobili haydovchisi yuqori tezlik tufayli boshqaruvni yo‘qotgan va transport yuradigan yo‘ldan chetga chiqib ketgan.

Gentra taxminan 120 km/soat tezlikda “uchib” chuqurga tushib ketgan va daraxtga urilgan.

Suratda mashinaning old va tepa qismlari butunlay tiklab bo‘lmaydigan holatda ekanligini ko‘rish mumkin.