Besh yillik tanaffusdan keyin Madridning “Real” klubi Ispaniya chempionligini qo‘lga kiritdi

Kecha — 21-may kuni futbol bo‘yicha Ispaniya La ligasining so‘nggi tur uchrashuvlari bo‘lib o‘tdi.

Malagadan 2:0 hisobidagi g‘alaba bilan qaytgan Madridning “Real” klubi La liga chempionligini qo‘lga kiritdi. Aslida “Qirollik klubi”ni durang natija ham qanoatlantirsada, Zinedin Zidan shogirdlari “Malaga” futbolchilariga imkoniyat qoldirmadi.

Chempionlik uchun so‘nggi turga qadar kurash olib borgan Kataloniyaning “Barselona” klubi esa ketma-ket ikki chempionlikdan keyin to‘xtadi. Jamoa so‘nggi turda “Eybar”ni qabul qilib, irodali g‘alabani qo‘lga kiritdi. Uchrashuvni boshqarib borgan hakam mehmonlar darvozasiga ikki bor penalti belgiladi va ularning bir futbolchisini maydondan chetlatdi.

Diyego Simeone boshchilik qiladigan Madridning “Atletiko” klubi ketma-ket beshinchi mavsum kuchli uchlikka kirishga muvaffaq bo‘ldi. Shularning 4 tasida jamoa mavsumni 3-o‘rinda yakunlagan bo‘lsa, 2014-yil mamlakat chempionligini qo‘lga kiritgandi.

Asosiy kurash La ligada Yevropa ligasi yo‘llanmasi uchun kechdi. Bu yo‘lda uch klub kurash olib borayotgandi. Shulardan ikkitasi kecha ochko yo‘qotdi. Bu holat “Atletik” foydasiga ishlashi mumkin edi. Ammo “Real Sosyedad” futbolchilari 94-daqiqada urilgan gol evaziga mavsumni Bilbao klubidan yuqoridan yakunlashga muvaffaq bo‘ldi.

Ispaniya La ligasi 38-tur bellashuvlari 19-may, juma

“Granada” — “Espanyol” 1:2

Gollar: Leo Baptistao, 3 (0:1). Ruben Vezu, 8-avt (0:2). Andreas Pereyra, 22 (1:2).

20-may, shanba

“Sporting” — “Betis” 2:2

Gollar: Duglas, 7 (1:0). Ruben Kastro, 22 (1:1). Ruben Kastro, 59 (1:2). Karlos Karmona, 79 (2:2).

“Deportivo” — “Las-Palmas” 3:0

Gollar: Florin Andone, 4 (1:0). Florin Andone, 28 (2:0). Karles Xil, 39 (3:0).Chetlatish: Ernan, 79 (L).

“Leganes” — “Alaves” 1:1

Gollar: Nenad Krstichich, 64 (0:1). David Timor, 89 (1:1).

“Sevilya” — “Osasuna” 5:0

Gollar: Vitolo, 10 (1:0). Franko Vaskes, 20 (2:0). Stevan Yovetich, 35 (3:0). Franko Vaskes, 60 (4:0). Vitolo, 80 (5:0).

21-may, yakshanba

“Atletiko” — “Atletik” 3:1

Gollar: Fernando Torres, 8 (1:0). Fernando Torres, 11 (2:0). Inyaki Uilyams, 71 (2:1). Anhel Korrea, 89 (3:1).

“Valensiya” — “Vilyarreal” 1:3

Gollar: Roberto Soldado, 1 (0:1). Luish Nani, 54 (1:1). Manu Trigeros, 58 (1:2). Nikola Sansone, 88 (1:3).

“Selta” — “Real Sosyedad” 2:2

Gollar: Yago Aspas, 54-pen (1:0). Mikel Oyarsabal, 82 (1:1). Endryu Xyulsager , 90 (2:1). Xuanmi, 94 (2:2).

“Malaga” — “Real Madrid” 0:2

Gollar: Krishtianu Ronaldu, 2 (0:1). Karim Benzema, 55 (0:2).

“Barselona” — “Eybar” 4:2

Gollar: Takeshi Inui, 7 (0:1). Takeshi Inui, 61 (0:2). David Xunka, 63-avt (1:2). Luis Suares, 73 (2:2). Lionel Messi, 76-pen (3:2). Lionel Messi, 90+2 (4:2).Noaniq penalti: Lionel Messi, 69 (B).Chetlatish: Ander Kapa, 75 (E).