Ko‘pchilik bekalar haddan tashqari ko‘p maqtalgan foydali maslahatlar yo unchalik samara bermasligi, yoki umuman ish bermasligi muammosiga bir necha martalab duch kelishgan. Biz sizlar uchun umuman foydalanmaslik lozim bo‘lgan bir necha eng ommabop maslahatlarni to‘pladik.

Foto: Shutterstock

Foto: Shutterstock

Soda va sirkadan iborat universal tozalash aralashmasi

Soda va sirkaning har biri o‘zlaricha juda ta’sirchan dog‘ tozalovchilar hisoblanadi. Lekin aralashtirilganda ularning samarasi yo‘qoladi. Shuning uchun esda tuting: soda — alohida, sirka — alohida.

Sochlar uchun lak dog‘ tozalovchi sifatida

Bu maslahat sochlarga ishlatiladigan laklarga spirt qo‘shishni to‘xtatishgandan beri o‘z ma’nosini yo‘qotdi. Yaxshisi kiyimlaringizdagi dog‘larni maxsus vositalar yordamida tozalaganingiz ma’qul.

Ventilyatsiya panjaralaridagi nam salfetkalar

Agar siz kvartira bo‘ylab yoqimli hid taralishini xohlasangiz yaxshisi hidli paketchalar (sashe) yoki havo tozalovchilardan foydalaning. Ventilyatsiya panjarasidagi salfetkalar tez qurib qoladi va hech qanday samara bermaydi.

Qaynayotgan kastryul ustidagi yog‘och qoshiq

Agar kastryul ustiga yog‘och qoshiq qo‘ysangiz suyuqlik faqat bir holatda qaynab bug‘lanib ketmaydi: u o‘rtacha yoki past olovda qaynatilishi kerak. Baland olovda qaynatilgan suyuqlikni bug‘lanib ketishdan hech narsa to‘xtatib qololmaydi.