O‘zbekiston Senati raisining birinchi o‘rinbosari Sodiq Safoyev 4-aprel kuni Jahon bankining O‘zbekistondagi vakolatxonasi rahbari vazifasini bajaruvchi Yan-Peter Olters bilan uchrashdi. Bu haqda Senat axborot xizmati xabar bermoqda.
Suhbat chog‘ida Jahon banki guruhining va Vashingtondagi Xalqaro valyuta fondining joriy yilning 21—22-aprel kunlari bo‘lib o‘tadigan bahorgi kengashlarida O‘zbekiston delegatsiyasining ishtirokiga tayyorgarlik ko‘rish masalalari muhokama etildi.
Shuningdek, tomonlar Jahon banki va Xalqaro moliyaviy korporatsiyaning O‘zbekistondagi vakolatxonalari faoliyatidagi ustuvor yo‘nalishlar yuzasidan ham fikr almashdi.
Uchrashuvda O‘zbekiston va Jahon banki o‘rtasidagi hamkorlikni yanada rivojlantirish masalasi ham ko‘rib chiqildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!