Yevropa Chempionlar ligasining 1/8 finalidan joy olgan “Barselona” — “PSJ” va “Borussiya Dortmund” — “Benfika” o‘yinlari bugun — 8-mart tunida bo‘lib o‘tadi.
Har ikki bellashuv Toshkent vaqti bilan 00:45 da start oladi. Chempionlar ligasi o‘yinlarini O‘zbekiston hududida translyatsiya qilish huquqini sotib olgan UzReport telekanali bunda o‘yinlardan birini tanlab olishi kerak bo‘ladi.
14-fevral kuni bo‘lib o‘tgan dastlabki to‘qnashuvlarda telekanal “PSJ” — “Barselona” o‘yiniga e’tibor qaratgandi. Bu safar ham shu hol takrorlanib, jamoalarning Kataloniyada bo‘lib o‘tadigan javob o‘yini jonli efirda ko‘rsatiladi.
Ma’lumot uchun, “Barselona” Parijda raqibidan 0:4 hisobida yengilgan bo‘lsa, Dortmund klubi Portugaliyadan 0:1 hisobidagi mag‘lubiyat bilan qaytib kelgandi.
Izoh (0)