Shotlandiyaning “Seltik” jamoasi futbolchilari mamlakat chempionatining navbatdagi turida chiroyli kombinatsiya va xatti-harakatlar yordamida ajoyib gol kiritdi, deb xabar bermoqda “iSport.ua”.
Shotlandiya chempionati 24-turida musobaqa peshqadami “Seltik” safarda “Sent-Jonston” mehmoni bo‘lib, 5:2 hisobidagi irodali g‘alabaga erishdi. Birinchi bo‘limda “Seltik” 1:2 hisobida imkoniyatni boy berayotgandi va jamoaning 28 o‘yinlik mag‘lubiyatsiz seriyasi yakuniga yetishi mumkin edi. Ammo ikkinchi bo‘limda Brendan Rojers shogirdlari 4 ta gol urib, g‘alabaga erishdi.
“Seltik” tomonidan kiritilgan 5-gol alohida e’tiborga loyiq bo‘ldi. Avval Maykl Lyustig rabona usulida sherigiga uzatma berdi, to‘pni qabul qilgan “Setik” a’zosi uni tovoni bilan Mussa Dembelega berdi va hujumchi aniq zarba bilan gol kiritdi.
Mavzuga oid: Gandboldagi go‘zallik: Nafaqadagi jahon chempioni penaltini qoyilmaqom tarzda bajardi (video)
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)