Belarus O‘zbekiston bilan hamkorlikni bir necha karra oshirishga tayyor. Bu haqda, “Novosti Uzbekistana”ning yozishicha, Belarus yetakchisi Aleksandr Lukashenko juma kuni Minskda bo‘lib o‘tgan “Prezident bilan katta suhbat” vaqtida aytib o‘tgan.

Foto: “Novosti Uzbekistana”

Foto: “Novosti Uzbekistana”

Lukashenko O‘zbekiston Prezidenti Shavkat Mirziyoyev haqida iliq fikrlar bildirib o‘tgan.

O‘zbekistonning yangi rahbariyati bilan yaxshi munosabatlarga egamiz. Shavkat Mirziyoyev juda yaxshi inson, u o‘z atrofida munosib kishilardan iborat jamoa tuza olgan, shuning uchun ham biz O‘zbekiston bilan hamkorlikni bir necha karra oshirishni rejalashtirmoqdamiz, ular bunga tayyor.

Aleksandr Lukashenko, Belarus prezidenti

Ma’lumot uchun, 3-fevral, juma kuni Belarus prezidenti Aleksandr Lukashenko “Prezident bilan katta suhbat” nomi ostida katta matbuot anjumani o‘tkazdi. Unda Belarus rahbari yirik OAVlarning qariyb 40 nafar jurnalistlari savollariga javob qaytardi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.