“PSJ” “Monako”ga, “Borussiya Dortmund” “Bavariya”ga, “Roma” va “Napoli” esa “Yuventus”ga yaqinlashish imkoniyatidan foydalana olmadi

Germaniya

14 ochkolik farq. Mavsum yakuniga qadar Dortmundning “Borussiya” klubi buni yo‘qqa chiqara olmasa kerak. Bundesligada chempionlik uchun kurash bu mavsum “Bavariya” va “Leyptsig” o‘rtasida kechadi. Kuchli uchlikka kirish uchun esa bir qator klublar da’vogar.

Germaniya Bundesligasi 18-tur uchrashuvlari 29-yanvar, yakshanba

“Frayburg” — “Gerta” 2:1

Gollar: Yanik Xaberer, 39 (1:0). Nils Petersen, 87 (2:0). Yulian Shiber, 89 (2:1).

“Maynts” — “Borussiya Dortmund” 1:1

Gollar: Marko Roys, 3 (0:1). Danni Latsa, 83 (1:1).

Italiya

Italiya A seriyasida “Yuventus”ning qatorasiga oltinchi chempionligi turdan-turga aniqqa o‘xshab bormoqda. Uni ta’qib etishi kerak bo‘lgan ikki klub mazkur turda ochko yo‘qotdi. “Napoli” o‘z uyida “Palermo” bilan durang o‘ynagan bo‘lsa, “Roma” safarda imkoniyatni boy berib qo‘ya qoldi.

Mazkur tur “Milan” klubi uchun ham omadsiz keldi. Birinchi davra ko‘pchilikni xursand qilgan Montello jamoasining ishlari ikkinchi davraga kelib yurishayotgani yo‘q.

Italiya A seriyasi 22-tur bellashuvlari 29-yanvar, yakshanba

“Torino” — “Atalanta” 1:1

Gollar: Yago, 16 (1:0). Andrea Petanya, 66 (1:1).

“Kalyari” — “Bolonya” 1:1

Gollar: Mattiya Destro, 64 (0:1). Marko Borryello, 90+2 (1:1).Chetlatishlar: Federiko Viviani, 88 (B). Emil Kraft, 90+1 (B).

“Krotone” — “Empoli” 4:1

Gollar: Adrian Stoyan, 24 (1:0). Levan Mchedlidze, 39 (1:1). Diyego Falchinelli, 56 (2:1). Diyego Falchinelli, 90-pen (3:1). Diyego Falchinelli, 92 (4:1).

“Sampdoriya” — “Roma” 3:2

Gollar: Bruno Peres, 5 (0:1). Dennis Prat, 21 (1:1). Edin Jeko, 66 (1:2). Patrik Shik, 71 (2:2). Luis Muriel, 73 (3:2).

“Sassuolo” — “Yuventus” 0:2

Gollar: Gonsalo Iguain, 9 (0:1). Sami Xedira, 25 (0:2).

“Udineze” — “Milan” 2:1

Gollar: Jakomo Bonaventura, 8 (0:1). Siril Tero, 31 (1:1). Rodrigo De Paul, 73 (2:1).

“Fiorentina” — “Jenoa” 3:3

Gollar: Yosip Ilichich, 17 (1:0). Federiko Kyeza, 50 (2:0). Jovanni Simeone, 57 (2:1). Oskar Xilyemark, 59 (2:2). Nikola Kalinich, 62 (3:2). Jovanni Simeone, 86-pen (3:3).Chetlatish: Federiko Bernardeski, 85 (F).

“Napoli” — “Palermo” 1:1

Gollar: Ilya Nestorovski, 6 (0:1). Dris Mertens, 66 (1:1).Chetlatish: Eduardo Goldaniga, 90 (N).

Fransiya

Fransiya chempionligi uchun kurash olib borayotgan uch klub bir-biriga yanada yaqinlashib oldi. Angliyada qadr topmagan italiyalik Mario Balotelli Fransiyada javlon urmoqda. Aynan uning golidan keyin “Nitssa”ning g‘alabasi aniq bo‘ldi va klub ochkolar soni bo‘yicha peshqadam “Monako”ga yetib oldi.

“PSJ” klubi bu borada “Monako”ni taslim qilib, 1-o‘ringa ko‘tarilib olish imkoniyatini qo‘ldan boy berdi. Hakam tomonidan qo‘shib berilgan so‘nggi daqiqalardagina monakolik futbolchilar mag‘lubiyatdan qutulib qoldi.

Fransiya 1-divizioni 22-tur bellashuvlari 29-yanvar, yakshanba

“Nitssa” — “Gengam” 3:1

Gollar: Alassan Plea, 11 (1:0). Jan Seri, 38 (2:0). Jimmi Brian, 63 (2:1). Mario Balotelli, 87 (3:1).

“Tuluza” — “Sent-Etyen” 0:3

Gollar: Nolan Ru, 9-pen (0:1). Kevin Monne-Pake, 55 (0:2). Nolan Ru, 67-pen (0:3).Chetlatish: Somaliya, 47 (T).

“PSJ” — “Monako” 1:1

Gollar: Edinson Kavani, 80-pen (1:0). Bernardu Silva, 90+3 (1:1).

• Kuchli beshlik. Va nihoyat “Xoffenxaym”ni taslim qilishdi, Depayning poyqadami “Lion”ga ham yoqmadi, “Inter” esa to‘rtlikka kirib oldi