Xonanda Shahzodaning 11-fevral kuni Moskva shahrida konsert berishi haqida ijtimoiy tarmoqlarda tarqalgan ma’lumotlar yolg‘on xabar bo‘lib chiqdi. Bu haqda xonandaning ma’muri Davron Muqimov jurnalist Feruz Muhammadga ma’lum qildi.

Foto: “Shahzodafanclub.ru”

Foto: “Shahzodafanclub.ru”

Muxlislar xonanda Shahzodaning Moskvadagi konsert dasturi haqida Instagram ijtimoiy tarmog‘i orqali bizga ma’lum qildi. Ushbu chiptalarda yozilishicha 11-fevral kuni Shahzoda Moskva shahrida konsert berar emish. Bu yolg‘on xabar, chunki fevral oyida Moskvada hech qanday konsert dasturini rejalashtirmaganmiz. Buni barcha muxlislar bilib qo‘yishlari uchun OAVlar orqali ma’lum qildik. Bunday hodisa bizning ijodiy faoliyatimizda birinchi marta uchramoqda. Bu yil hisobidan chet elda konsert berish yoki bermasligimiz ma’lum emas. Ko‘plab takliflar bo‘lmoqda, ammo ularga rozilik berganimizcha yo‘q. Hozircha kunlarini ma’lum qila olmasam-da, “Istiqlol” san’at saroyida may oyida konsert dasturimizni taqdim qilish rejamizda bor

Davron Muqimov, Shahzodaning ma’muri

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.