Bir necha kun koma holatida bo‘lgan amerikalik aralash uslubdagi kurashchi, Mutlaq jangchilar chempionati (UFC) doirasida chiqish qiluvchi Josh Samman vafot etdi. Bu haqda TMZ’ga tayanib, “TASS” xabar bermoqda.
28 yoshli sportchi 30-sentabr kuni Florida janubida hushsiz ahvolda topildi. U bilan birga xonadoshi, ring-anonser Troy Kirkingburg ham topildi. Kirkingburg tez yordam brigadasi yetib kelguniga qadar olamdan o‘tdi.
Avvalroq Josh Samman giyohvand moddalarni me’yoridan ortiq iste’mol qilgani uchun koma holatiga tushgani ma’lum qilingandi. Keyinroq sportchining onasi Sammanning qonida giyohvand moddalar topilmaganini ta’kidladi.
Josh Samman 2013-yildan buyon UFC’da ishtirok etib, 16 ta jangdan 12 tasida (shulardan 7 tasi nokaut bilan) g‘alaba qozongan va 4 tasida mag‘lubiyatga uchragan.
Izoh (0)