O‘tgan mavsumni 7-o‘rinda yakunlagan va chempionlik uchun kurashishi kerak bo‘lgan jamoalardan eng ko‘p ochko tortib olgan Londonning “Vest Hem” klubi Angliya Premyer-Ligasining 6-turida ham imkoniyatni boy berdi.
“Boleyn Graund” arenasida “Sautgempton”ni qabul qilgan Slaven Bilich jamoasi 0:3 hisobida yengildi.
6-turdan keyin “Vest Hem” o‘z hisobidagi 1 ta g‘alaba sabab 20 klub orasida 18-o‘rinni egallab turibdi. 9-o‘rinda borayotgan “Sautgempton” hisobida esa 8 ochko bor.
“Vest Hem”ning kuchi hozircha faqatgina “Bornmut” klubiga yetdi. “Chelsi”, “Manchester Siti”, “Uotford”, “Vest Bromvich” va mana endi “Sautgempton”ga qarshi o‘yinlarda imkoniyat boy berildi.
Premyer-Liganing 6-turi 26-sentabr kuni bo‘lib o‘tadigan “Byornli” — “Uotford” o‘yini bilan yakuniga yetadi. Turning 24-sentabr kuni bo‘lib o‘tgan o‘yinlari bilan shu havola orqali tanishish mumkin.
Angliya Premyer-Ligasi 6-tur uchrashuvi 25-sentabr, yakshanba
“Vest Hem” — “Sautgempton” 0:3
Gollar: Charli Ostin, 40 (0:1). Dushan Tadich, 62 (0:2). Jeyms Uord-Prouz, 90+2 (0:3).
Izoh (0)