APL. Amaldagi chempion “Lester” mavsumdagi ikkinchi yirik mag‘lubiyatini “Old Trafford”da qabul qilib oldi

Futbol bo‘yicha Angliya Premyer-Ligasining amaldagi chempioni “Lester” yangi mavsumning 6-turiga kelib uchinchi mag‘lubiyatini qabul qilib oldi. Shularning ikkitasi yirik hisobdagi mag‘lubiyatdir.

4-turni “Liverpul” maydonida o‘tkazib, 1:4 hisobida yengilgan Klaudio Ranyeri jamoasi, “Old Trafford”da ham xuddi shu hisobda imkoniyatni boy berdi. “Yunayted” har to‘rtala golini birinchi bo‘limda kiritgan bo‘lsa, lesterliklar 59-daqiqada o‘yindagi birinchi va so‘nggi golini urdi.

Dunyoning eng qimmat futbolchisi maqomini Manchesterga tashrifidan keyin qo‘lga kiritgan Pol Pogba “Lester” darvozasiga urgan goli bilan “Yunayted”dagi gollari hisobini ochdi. Futbolchining golini mana shu havolada ko‘rish imkoniyati bor.

Bu g‘alaba Joze Mourinyo jamoasini 12 ochko bilan 3-o‘ringa olib chiqdi. 6-turning qolgan o‘yinlari 24—25—26-sentabr kunlarida davom etadi.

Angliya Premyer-Ligasi 6-tur uchrashuvi 24-sentabr, shanba

“Manchester Yunayted” — “Lester” 4:1

“Bornmut” — “Everton”“Liverpul” — “Xall Siti”“Midlsbro” — “Tottenhem”“Sanderlend” — “Kristal Pelas”“Stok Siti” — “Vest Bromvich”“Suonsi” — “Manchester Siti”“Arsenal” — “Chelsi”

25-sentabr, yakshanba“Vest Hem” — “Sautgempton”

26-sentabr, dushanba“Byornli” — “Uotford”