Oliy Liga. Toshkent derbisida “Paxtakor” “Bunyodkor”ni mag‘lub etishga muvaffaq bo‘ldi

Futbol bo‘yicha O‘zbekiston Oliy Ligasida 22-tur bellashuvlariga yakun yasaldi.

Turning markaziy o‘yini Toshkent derbisi maqomida o‘tib, unda “Paxtakor” o‘z maydonida “Bunyodkor”ni mag‘lub etdi. Jaloliddin Masharipov hamda Jamshid Iskandarov tomonidan urilgan gollarga mehmonlardan Shahzod Nurmatov bir marta javob qaytardi.

“Bunyodkor”ning ochko yo‘qotishi “Lokomotiv”ning chempionlik imkoniyatlarini oshirib yubordi. Olmaliqqa tashrif buyurgan “temiryo‘lchilar” 5:2 hisobida zafar quchdi.

16-sentabr kuni “Navbahor”ni yirik hisobda mag‘lub etgan Toshkentning “Obod” klubi so‘nggi jamoa tamg‘asini olib tashlagandi. “Qo‘qon—1912”ning “Metallurg” ustidan qozongan g‘alabasi “Obod”ni yana oxirgi o‘ringa tushirib yubordi.

O‘zbekiston Oliy Ligasi 22-tur bellashuvlari 17-sentabr, shanba

“Qo‘qon—1912” — “Metallurg” 2:1

Gollar: Suhrob Berdiyev, 40 (1:0). Nosir Otaqo‘ziyev, 58 (2:0). Dilmurod Karimov, 76 (2:1).Noaniq penalti: Nosir Otaqo‘ziyev, 61 (Q).

“Andijon” — “Nasaf” 0:0

“Sho‘rtan” — “Neftchi” 2:1

Gollar: Igor Taran, 45 (1:0). Nikita Pavlenko, 57 (1:1). Sunnatilla Mamadaliyev, 74 (2:1).

“Olmaliq” — “Lokomotiv” 2:5

Gollar: Marat Bikmayev, 4 (0:1). Sardor Mirzayev, 20 (0:2). Timur Usmonov, 27 (1:2). Marat Bikmayev, 49 (1:3). Sardor Mirzayev, 54 (1:4). Oleg Zoteyev, 75 (1:5). Doniyor Ismoilov, 85 (2:5).

“Buxoro” — “Qizilqum” 2:0

Gollar: Salamat Qutiboyev, 56 (1:0). Vadim Chemirtan, 75 (2:0).Chetlatish: Aziz Ibragimov, 90+1 (B).

“Paxtakor” — “Bunyodkor” 2:1

Gollar: Jaloliddin Masharipov, 27 (1:0). Shahzod Nurmatov, 75 (1:1). Jamshid Iskandarov, 85 (2:1).