JCh—2018. Italiya, Uels va Ispaniyada ishonchli g‘alaba, Kosovo saralashni ochko bilan boshladi

2018-yil Rossiyada bo‘lib o‘tadigan Jahon Chempionati uchun Yevropada saralash o‘yinlari 4-sentabr kuni start olgandi. 5-sentabr kuni yana 3 ta guruhda 1-tur bellashuvlari bo‘lib o‘tdi.

“D” guruhi yetakchisi Uels Garet Beylning dubli yordamida saralashni yirik g‘alaba bilan boshladi. Serbiya esa o‘z maydonida Irlandiyani taslim qila olmadi.

“G” guruhidan joy olgan Ispaniya va Italiya terma jamoalari g‘alaba bilan boshladi. Bu yo‘lda Italiya 3 ta, Ispaniya esa 8 ta gol urishi kerak bo‘ldi. Guruhning Albaniya va Makedoniya termalari o‘rtasidagi o‘yini 76-daqiqaga kelib kuchli yomg‘ir sabab to‘xtatildi. Bu vaqtda hisob 1:1 bo‘lib turgandi.

Yevro—2016 ning to‘rt ishtirokchisi joy olgan “I” guruhidagi har uch o‘yin 1:1 hisobi bilan yakuniga yetdi. Qit’a chempionatini Turkiyani mag‘lub etishdan boshlagan Xorvatiya saralashda bu ishini davom ettira olmadi. Yevro kashfiyotlaridan biriga aylangan Islandiya esa Ukrainadan ochko bilan qaytdi. Yevgeniy Konoplyanka penaltidan gol ura olmadi.

JCh—2018 UEFA saralashi 5-sentabr, dushanba

“D” guruhi

Gruziya — Avstriya 1:2

Gollar: Martin Xinteregger, 16 (0:1). Mark Yanko, 42 (0:2). Jano Ananidze, 78 (1:2).

Serbiya — Irlandiya 2:2

Gollar: Jeff Xendrik, 3 (0:1). Filip Kostich, 62 (1:1). Dushan Tadich, 69-pen (2:1). Deril Myorfi, 81 (2:2).

Uels — Moldova 4:0

Gollar: Sem Vouks, 38 (1:0). Jo Allen, 44 (2:0). Garet Beyl, 51 (3:0). Garet Beyl, 90+5-pen (4:0).

“G” guruhi

Ispaniya — Lixteynshteyn 8:0

Gollar: Diyego Kosta, 10 (1:0). Serxi Roberto, 55 (2:0). David Silva, 59 (3:0). Vitolo, 60 (4:0). Diyego Kosta, 66 (5:0). Alvaro Morata, 82 (6:0). Alvaro Morata, 83 (7:0). David Silva, 90+1 (8:0).

Isroil — Italiya 1:3

Gollar: Gratsiano Pelle, 14 (0:1). Antonio Kandreva, 31-pen (0:2). Tal Ben-Xaim II, 35 (1:2). Chiro Immobile, 83, (1:3).Chetlatish: Jorjio Kyellini, 55 (I).

Albaniya — Makedoniya 1:1 (o‘yin yakuniga yetmagan)

Gollar: Armando Sadiku, 9 (1:0). Egziyan Alioski, 51 (1:1).

“I” guruhi

Xorvatiya — Turkiya 1:1

Gollar: Ivan Rakitich, 44-pen (1:0). Xoqon Chalxanoglu, 45+3 (1:1).

Ukraina — Islandiya 1:1

Gollar: Alfred Finnbogason, 6 (0:1). Andrey Yarmolenko, 41 (1:1).Noaniq penalti: Yevgeniy Konoplyanka, 83 (U).

Finlyandiya — Kosovo 1:1

Gollar: Paulus Arayuuri, 18 (1:0). Valon Berisha, 60-pen (1:1).