Rio—2016 ning ayollar futbolida Germaniya terma jamoasi chempionlikni qo‘lga kiritdi, Braziliya 4-o‘rinda

Rio—2016 Olimpiadasining ayollar futbolida chempionlik Germaniya terma jamoasiga nasib qildi. Finalda Shvetsiyaga qarshi saf tortgan nemislar 2:1 hisobida muvaffaqiyat qozondi.

3-o‘rin uchun Kanada ayollar terma jamoasiga qarshi maydonga tushgan mezbon Braziliya terma jamoasi 1:2 hisobida imkoniyatni boy berib qo‘ydi. Shu tariqa Marta boshchiligidagi jamoa dastlabki uch o‘rindan birini egallash imkoniyatini qo‘ldan boy berdi.

Qayd etish kerak, mezbon Braziliya yarim finalda Shvetsiya dovonidan o‘ta olmagan bo‘lsa, ikkinchi juftlikda kanadaliklar Germaniyadan 0:2 hisobida yengilgandi.

Rio—2016. Ayollar futboli Final 20-avgust, shanba

Germaniya — Shvetsiya 2:1

3-o‘rin uchun

Braziliya — Kanada 1:2