Oliy Liga. “Paxtakor” mavsumdagi to‘rtinchi o‘zaro o‘yinda ham “Buxoro”ni mag‘lub eta olmadi

O‘zbekistonning amaldagi chempioni “Paxtakor” 18-tur doirasida “Buxoro” klubini qabul qilib, 1:1 hisobida durang o‘ynadi. Buxoroliklardan hisobni tenglashtiruvchi golga sobiq “paxtakorchi” Bahodir Pardayev mualliflik qildi.

• Oliy Liga. 18-tur “Nasaf”ning Toshkentdan yirik g‘alaba bilan qaytishidan boshlandi

“Paxtakor” O‘zbekiston Kubogining 2016-yilgi mavsumi doirasida “Buxoro”ga har ikki o‘yinda ham imkoniyatni boy bergan, shuningdek, Oliy Liganing birinchi davra o‘yinida ham raqibini mag‘lub eta olmagandi. O‘tgan har uchala o‘yinda gol ura olmagan “Paxtakor” safida bu safar Andrey Sidorov o‘zini ko‘rsatdi, ammo uning goli jamoasiga 3 ochko taqdim eta olmadi.

Turnir jadvalida so‘nggi jamoa bo‘lib turgan “Qo‘qon—1912” o‘zi kabi Oliy Ligada qolish uchun kurash olib borayotgan “Andijon” maydonidan g‘alaba bilan qaytdi. Bu yutuq Qo‘qon shahri klubini turnir jadvalida 14-o‘ringa olib chiqdi. Keyingi ikki pog‘ona “Andijon” va 12-avgust kuni “Nasaf”dan yengilgan “Obod”ga tegishli.

Kunning gollarga boy o‘yini Olmaliq shahrida kechib, ikkinchi davra oldidan bir qator haridlarni amalga oshirgan "Qizilqum” klubi 3:2 hisobida muvaffaqiyat qozondi. Nemanya Yovanovich dubl qayd etgan o‘yinda Vohid Shodiyev ham o‘z nomini tabloga yozdirdi. Bir tur avval ham mana shu futbolchilar Navoiy klubiga 3 ochko keltirgan gollarga mualliflik qilgandi.

13-avgustning so‘nggi o‘yinida “Sho‘rtan” “Metallurg”ni mag‘lub etib, 10-o‘ringa ko‘tarildi.

O‘zbekiston Oliy Ligasi 18-tur bellashuvlari 13-avgust, shanba

“Andijon” — “Qo‘qon—1912” 0:2

Gollar: Doston Tursunov, 21 (0:1). Otabek Zokirov, 24 (0:2).

“Sho‘rtan” — “Metallurg” 1:0

Gol: G‘ulom Rahmanov, 78 (1:0).

“Paxtakor” — “Buxoro” 1:1

Gollar: Andrey Sidorov, 17 (1:0). Bahodir Pardayev, 74 (1:1).Chetlatishlar: Davron Hoshimov, 54 (P). Artyom Filiposyan, 54 (B).

“Olmaliq” — “Qizilqum” 2:3

Gollar: Vohid Shodiyev, 23 (0:1). Nemanya Yovanovich, 45 (0:2). Yevgeniy Gogol, 61-pen (1:2). Nemanya Yovanovich, 78-pen (1:3). Islom Inomov, 85 (2:3).

14-avgust, yakshanba“Mash’al” — “Bunyodkor”“Neftchi” — “Lokomotiv”“So‘g‘diyona” — “Navbahor”