Rio—2016. 11-avgust holatiga ko‘ra O‘zbekiston delegatsiyasining medallari 4 taga yetdi

Rio—2016 Olimpiadasida 70 nafar sportchi bilan ishtirok etayotgan O‘zbekiston terma jamoasi o‘zi uchun to‘rtinchi medalni kafolatladi.

Dzyudo sport turida ikki nafar o‘zbekistonlik dzyudochi bronza medalini qo‘lga kiritishga muvaffaq bo‘lgandi: Diyorbek O‘rozboyev hamda Rishod Sobirov.

Boks sport turida o‘zbekistonlik sportchilarni mag‘lub etadigani hozircha topilmadi. Avvaliga Rustam To‘laganov musobaqaning yarim finaliga yo‘llanma olgan bo‘lsa, uning ketidan Hasanboy Do‘stmatov shu vazifani bajardi. Bu esa O‘zbekiston delegatsiyasi uchun 4 ta bronza medalini aniq kafolatladi.

O‘z vazn toifasida yarim finalga yo‘llanma olgan o‘zbekistonlik bokschilarda oltin medallar uchun kurashish imkoniyati bor. 12—13-avgust kunlari ular yarim final jangini o‘tkazadi.

Diyorbek O‘rozboyev

Rishod Sobirov

Rustam To‘laganov

Hasanboy Do‘stmatov

Boks — eng kamida bronza (kurash davom etadi)