Rio-de-Janeyro Olimpiadasining ochilish marosimiga ikki kun qolganida ayollar o‘rtasidagi futbol turniri start oldi va uning doirasida olti bellashuv o‘tkazildi.
Birinchi uchrashuvda Shvetsiya terma jamoasi JAR qizlariga qarshi maydonga tushdi va 1:0 hisobida muvaffaqiyat qozondi. Shu guruhdagi ikkinchi uchrashuvda esa mezbon — Braziliya terma jamoasi Xitoyga hech qanday imkoniyat qoldirmadi — 3:0.
Ikkinchi guruhda Germaniya terma jamoasi Zimbabveni 6:1 hisobida mag‘lub etgan bo‘lsa, kanadalik futbolchi qizlar Avstraliyadan ustun keldi — 2:0.
Uchinchi zonada AQSh va Fransiya terma jamoalari 3 ochkodan qo‘lga kiritdi. Amerikalik qizlar Yangi Zelandiyani 2:0 hisobida mag‘lubiyatga uchratgan bo‘lsa, Kolumbiya Fransiyaga qarshilik qila olmadi — 0:4.
Bugun — 4-avgust kuni Rio—2016 da erkaklar futboli turniri start oladi.
Izoh (0)