Madridning “Real” klubi bosh murabbiyi Zinedin Zidan Xalqaro Chempionlar Kubogida “PSJ”dan uchralgan mag‘lubiyat borasida o‘z fikrlarini bildirib o‘tdi.
“Bunday natijani qayta takrorlamaslikka harakat qilishimiz kerak. Shunday bo‘lsada biz maksimum darajada o‘ynashga harakat qilyapmiz. Hozir yangi mavsumga tayyorgarlik ketmoqda va biz sekin-asta tezlikni oshirib borishimiz kerak”, — dedi Zidan.
“Ispaniyada mavsum uzoq davom etishini bilamiz, biz yaxshi start olishimiz kerak. Kuchli raqiblarga qarshi o‘yinlarning birinchi bo‘limida bizga tajovuzkorlik yetishmayapti. Hozir biz 100 foizlik formada emasmiz. Mavsum boshlanishiga biroz vaqt bor, maksimumga chiqish uchun ishlaymiz”, — deb Zidanning so‘zlaridan iqtibos keltirdi “Chempionat”.
Izoh (0)