Toshkentdagi Inha universiteti O‘zbekistonda birinchi marta barchaga kirish imtihonlarini real vaqt rejimida kuzatish imkonini taqdim etadi. Imtihon 29-iyul kuni bo‘lib o‘tadi, deb xabar beradi UzDaily.
Ilgariroq Inha rahbariyati ommaviy axborot vositalari vakillarini kirish imtihonlarini kuzatishga chaqirib, ular imtihon jarayoni shaffof va oshkor o‘tishiga ishonch hosil qilishi mumkinligini e’tirof etgan edi.
Imtihon kuni universitet jamoatchilik uchun video-striming tashkil etadi. Jarayonni “Live.Inha.uz” sahifasi orqali kuzatish mumkin bo‘ladi.
Kirish imtihonlariga o‘tadigan xollda veb-kameralar o‘rnatiladi, ular jarayonni onlayn rejimda namoyish etib boradi.
Sahifa TAS-IX zonasida joylashgan bo‘lib, bu videoning tezkor yuklanishini ta’minlaydi. Internet provayderlarning ko‘pchilik qismi TAS-IX uchun trafik ushlab qolmasligi inobatga olinsa, jarayonni kuzatish foydalanuvchilardan sarf-xarajat talab qilmaydi.
Loyiha EastTelecom va Real Solutions kompaniyalari ko‘magida amalga oshirilmoqda. EastTelecom kompaniyasi loyiha realizatsiyasi uchun kanal taqdim etdi, Real Solutions esa video strimingini tashkil etishda yordam berdi.
Izoh (0)