Maks laqabli labrador Meksika tog‘lari bo‘ylab sayohat chog‘ida yo‘qolib qolgan 14 yoshli Jan Eriberto Trevinoni qutqarib qoldi. Bu haqda Metro nashri ma’lumotiga tayanib, “Vesti.ru” xabar berdi.
Meksikalikning baxtiga, u bilan ekskursiyadan bir necha soat avval tanishgan labrador Maks uning qulashini payqab qolgan. Ikki sutkaga yaqin it boladan uzoqlashmagan. Bola uni quchoqlab isingan. Shuningdek, Maks o‘quvchiga tog‘ suvining ko‘lobini ko‘rsatgan.
Janning so‘zlariga qaraganda, u Maks bilan birga o‘zini xavfsiz his qilgan. Ikki kundan so‘ng bolani topgan qutqaruvchilar labrador bo‘lmaganda bolaning ahvoli yomon bo‘lishi mumkinligini tasdiqlagan.
Qutqarib qolingan meksikalik qahramon itni uyiga olib ketish istagini bildirgan. Biroq uning egalari borligi aniqlangan.
Izoh (0)