“Manchester Yunayted” jamoasining yangi bosh murabbiyi Joze Mourinyo Xitoydagi yig‘ini davomida klub muxlislari bilan muloqot vaqtida “Chelsi” futbolkasiga dastxat qo‘yishdan bosh tortdi, deb xabar bermoqda “Chempionat”.
Portugaliyalik mutaxassis dastxat qo‘yish uchun “MYu” liboslarini taqdim etgan ishqibozlar istagini qondirdi, ammo “Chelsi” klubining libosini ko‘rgach, u yerga imzo qo‘ymaslikka ishora qildi.
Ma’lumot uchun, Joze Mourinyo 2004–2007 hamda 2013–2015-yillar davomida “Chelsi” bosh murabbiyi bo‘lgan. Uning qo‘li ostida “Chelsi” uch marta Angliya chempionligi, bir martadan Angliya Kubogi va Superkubogi hamda uch marta Angliya Liga Kubogini qo‘lga kiritgan.
Izoh (0)