Fransiya mezbonligidagi Yevropa Chempionatining “D” guruhida ishtirok etayotgan Turkiya terma jamoasi 3-turga kelibgina gol urishni uddaladi va bu gollar jamoada nimchorak final uchun imkoniyat hosil qildi.
Dastlabki ikki turda 4 ta to‘p o‘tkazib yuborgan Turkiya Chexiyaga qarshi bellashuvning 10-daqiqasiga kelib Burak Yilmazning goli bilan oldinga chiqib olgan bo‘lsa, 65-daqiqada O‘zan To‘fon Petr Chex darvozasiga ikkinchi to‘pni kiritdi — 2:0.
Turkiya termasining 3-o‘rindagi ko‘rsatkichi “A” guruhi ishtirokchisi Albaniyanikidan yaxshi. “E” yoki “F” guruhlarida 3-o‘rinni qo‘lga kiritgan termalardan birining natijasi Turkiyanikidan yomonroq bo‘lsa, Chexiyani taslim qilgan turklar ham nimchorak finalda to‘p suradi.
Turkiyaning o‘z guruhida 3-o‘rinni qo‘lga kiritishi “C” guruhi vakili bo‘lmish Shimoliy Irlandiyani avtomatik ravishda guruhdan olib chiqdi.
“D” guruhidagi ikkinchi o‘yinda Xorvatiya terma jamoasi Ispaniyani taslim qildi — 2:1. Uchrashuvda hisob 7-daqiqaga kelib Alvaro Morata tomonidan ochildi. Bu goli bilan Morata to‘purarlar poygasida 3 ta gol bilan peshqadam bo‘lib turgan Garet Beylga yetib oldi.
Birinchi bo‘lim yakuniga 1 daqiqa qolganida Nikola Kalinich hisobni tenglashtirishga muvaffaq bo‘ldi. Bu borada “Fiorentina” klubi a’zosi “Inter”dagi sherigi Ivan Perishichdan pas qabul qilib olgandi.
72-daqiqaga kelib bosh hakam xorvatlar darvozasi tomon penalti belgiladi. To‘p yoniga yaqinlashgan Serxio Ramosning zarbasini darvozabon Daniel Subashich qaytarishga erishdi.
87-daqiqaga kelib Luka Modrichsiz harakat qilgan Xorvatiya o‘z irodasiga evaziga g‘alabani ilib ketdi. Ivan Perishich chap qanotdan qochib borib, David De Xea darvozasiga yo‘l topdi.
Shu tariqa Xorvatiya “D” guruhini 7 ochko bilan peshqadam sifatida yakunladi. Ispaniya 6, Turkiya 3, Chexiya esa 1 ochko to‘plashga erishdi.
Yevro—2016 da guruh bosqichini 9 ochko bilan yakunlash uchun endilikda faqat Italiya terma jamoasida imkoniyat bor. Buning uchun Antonio Konte jamoasi 22-iyun kuni Irlandiya ustidan zafar quchishi kerak bo‘ladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
[wpse_match id="351463" show_title=1]
[wpse_match id="351464" show_title=1]
Izoh (0)