Biz qadog‘ini bir umr noto‘g‘ri ochib kelgan 10 ta mahsulot (foto)

AdMe qadog‘ini tezkorlik va qulaylik bilan ochish mumkin bo‘lgan o‘nta mahsulot ro‘yxatini keltirib o‘tdi. Tan oling, bularning ko‘pchiligini biz shu paytgacha bilmaganmiz.

Shakar paketchasi

Bunday shakar o‘ramini Benjamin Eyzenshtadt ixtiro qilgan. Buning mohiyati oddiy: paketchani o‘rtasidan sindirish kerak, shunda shakarning hammasi chashkaga tushadi. Ko‘pchiligimiz esa paketchaning bir uchini yirtib olish bilan kifoyalanamiz.

Pringles chipslari

Banka ichiga taxlangan qog‘oz bo‘lagini qo‘ysangiz, uni yeyish ancha qulay bo‘ladi.

Oddiy chipslar

O‘ramni qaychi yoki boshqa uchli buyum bilan teshish kerak bo‘ladi.

Qaynatilgan kartoshka

Kartoshka atrofiga kesim tushiring. Uni qaynating, so‘ng sovuq suvda yuvib oling. Endi po‘stini qo‘lda “shilish” juda oson.

Tic-tac

Tic-tac qutisini ag‘daring, shunda donachaning o‘zi qopqoq ichidagi maxsus teshikchaga tushadi.

Porsiyali qaymoq

Konteyner og‘zining chetida osilib turgan “tilcha”ni ko‘tarib, idish yuzasidan ko‘ndalangiga olib o‘tish kerak. Shunda qaymoq hech qanday muammosiz chashkaga quyiladi.

McDonald’s qahvasi

Qahva idishining qopqog‘ini butunlay olib tashlash kerak emas. Uning ustida maxsus tiqin bor. Uni tiralib qolgunicha qayirish kerak, shunda u teshikchani yopib qoladi.

Qutidan sharbat quyamiz

Qutining og‘zi odatda bir tomonga yaqinroq qilib joylangan. Uni xuddi kanistrdan benzin quygandek, og‘zini yuqorida qoldirib quyish kerak. Shunda sharbat sachramasdan tushadi.

Konserva qutisi

Ochqichni o‘zimiz tomonga qaratib ushlaymiz va yurgizamiz, bir vaqtning o‘zida bankani aylantiramiz.

Kokos

Kokosning bir uchidan bir-biriga yaqin joylashgan uchta nuqtani toping. Ulardan birini uchli narsa bilan teshing va somoncha qo‘yib, iching. Kokosni yorish uchun shu uchta nuqtadan sal pastroqda xayolan aylana chiziq o‘tkazing va uni urib chiqing, shunda u yoriladi.