Oliy Liga. Bir kishi kam qolib Jizzaxda zafar quchgan “Paxtakor” 5-o‘ringa ko‘tarildi

Toshkentning “Paxtakor” futbol klubi mamlakat Oliy Ligasining 11-turida “So‘g‘diyona” ustidan zafar quchdi — 1:0. Uchrashuvdagi yagona gol Jamshid Iskandarov tomonidan kiritildi.

67-daqiqaga kelib bosh hakam “Paxtakor” himoyachisi Kamoliddin Tojiyevni maydondan chetlashtirganiga qaramay, jizzaxlik futbolchilar hisobni tenglashtira olmadi.

11-turga qadar “Paxtakor”dan oldinroqda borayotgan “Buxoro” Toshkentda “Lokomotiv”ga imkoniyatni boy berdi — 1:3. “Nasaf” Namanganda 2 ta gol farqi bilan oldinda bora turib, yakunda “Navbahor”dan 2 ta gol qabul qilib olgan bo‘lsa, G‘uzorda “Sho‘rtan” “Olmaliq” ustidan 4:3 hisobida zafar quchdi.

11-turdan keyin “Lokomotiv” 31 ochko bilan turnir jadvalini boshqarib turibdi. Mos ravishda “Bunyodkor” 29, “Nasaf” 24, “Metallurg” 23 ochkoga ega.

Bir yo‘la uch klub — “Paxtakor”, “Qizilqum” va “Buxoro” 18 tadan ochko to‘plashga muvaffaq bo‘lgan. 8-o‘rinda borayotgan “Neftchi” hisobida 16 ochko mavjud.

Liga debyutanti “Obod” 5 ochko bilan 16-pog‘odan joy olgan. “Qo‘qon—1912” hisobida 6 ochko bor.

O‘zbekiston Oliy Ligasi 11-tur bellashuvlari 10-iyun, juma

“Neftchi” — “Qo‘qon—1912” 2:1

Gollar: Nosir Otaqo‘ziyev, 19 (0:1). Shukurali Po‘latov, 43 (1:1). Shukurali Po‘latov, 62-pen (2:1).

“Metallurg” — “Andijon” 3:1

Gollar: Murod Toshmatov, 22 (1:0). Islom Isoqjonov, 43 (1:1). Dilmurod Karimov, 72 (2:1). Zohid Abdullayev, 74 (3:1).

“Mash’al” — “Obod” 5:0

Gollar: Shahboz Erkinov, 40 (1:0). Mirzohid G‘ofurov, 45 (2:0). Mirzohid G‘ofurov, 45+2 (3:0). Shahboz Erkinov, 52 (4:0). Zohir Qo‘ziboyev, 71 (5:0).Noaniq penaltilar: Sanjar To‘raqulov, 14 (O). Sherzod Jalilov, 80 (O).

“Bunyodkor” — “Qizilqum” 2:0

Gollar: Aleksandr Alempiyevich, 77 (1:0). Bahodir Nasimov, 80 (2:0).

11-iyun, shanba

“So‘g‘diyona” — “Paxtakor” 0:1

Gol: Jamshid Iskandarov, 45 (0:1).Chetlatish: Kamoliddin Tojiyev, 67 (P).

“Lokomotiv” — “Buxoro” 3:1

Gollar: Server Jeparov, 17 (1:0). Muhiddin Xudoyorov, 40-avt (2:0). Sardor Mirzayev, 62 (3:0). Bahodir Pardayev, 64 (3:1).

“Navbahor” — “Nasaf” 2:2

Gollar: Deyan Bolevich, 6 (0:1). Azamat Allaniyozov, 73 (0:2). Dilshod Jabborov, 81 (1:2). Akrom Bahritdinov, 84 (2:2).

“Sho‘rtan” — “Olmaliq” 4:3

Gollar: Zafar Polvonov, 32 (1:0). Diyor Turopov, 41 (1:1). Eldor Boymatov, 44 (2:1). Igor Taran, 60 (3:1). Abbos Omonov, 74 (4:1). Yaroslav Martinyuk, 79 (4:2). Zohir Pirimov, 84 (4:3).