26–27-mayda Toshkent shahridagi Turin Politexnika universitetida abituriyentlar, o‘quvchilar va barcha xohlovchilar uchun ochiq eshiklar kuni bo֥‘lib o‘tadi. Bu haqda “Daryo”ga oliygohning matbuot xizmati ma’lum qildi.
Tadbirda universitet hamda 2016–2017-o‘quv yili uchun qabul jarayoni haqida batafsil ma’lumot beriladi. Shuningdek, oliygoh hududi bo'ylab sayohat davomida mehmonlar robototexnika, yuqori texnologiyalar va muhandislik sohalaridagi eng ilg‘or loyihalar bilan tanishish imkoniyatiga ega bo‘ladi.
Ochiq eshiklar kuniga oldindan onlayn ro‘yxatdan o‘tish imkoniyati mavjud.
Kun tartibi:
9:30–10:00 — ro‘yxatdan o‘tish;10:00–11:00 — taqdimot;
11:00–11:30 — kofe-breyk;
11:30–12:30 — universitet bo‘ylab sayohat;
12:30–13:30 — robototexnika bo‘yicha mahorat darsi;
13:30–14:00 — abituriyentlar uchun onlayn ro‘yxatdan o‘tish.
Izoh (0)