Futzal. Jahon Chempionatida O‘zbekiston terma jamoasiga kimlar raqib bo‘lmasligi aniq bo‘ldi

20-may kuni Toshkent vaqti bilan tonggi 4:00 da futzal bo‘yicha 2016-yilgi Jahon Chempionati bellashuvlariga qur’a tashlash marosimi bo‘lib o‘tadi, deb xabar berdi “Championat.asia”.

• O‘zbekiston futzal terma jamoasi jahon reytingida 20-o‘rindan joy oldi

4-savatchada, shuningdek, Kuba, Mozambik, Qozog‘iston, Ozarbayjon, Vyetnam kabi terma jamoalar bor. Bundan kelib chiqadiki, qur’a marosimidan keyin mazkur mamlakat termalari O‘zbekiston bilan bir guruhdan joy olmaydi.

Osiyoning amaldagi chempioni hisoblangan Eron terma jamoasi qur’a oldidan 2-savatchadan joy oldi. Bu savatda Ukraina, Portugaliya, Paragvay, Misr, Kosta-Rika kabi mamlakatlar ham bor.

1-savatdan mezbon Kolumbiyadan tashqari Braziliya, Ispaniya, Italiya, Argentina va Rossiya terma jamoalari joy olgan. 3-savatni esa Solomon Orollari, Tailand, Marokash, Panama, Gvatemala, Avstraliya kabi termalar tashkil etgan.

Futzal bo‘yicha 2016-yilgi Jahon Chempionati 10-sentabrdan 1-oktabrga qadar Kolumbiyada bo‘lib o‘tadi.

• Futzal bo‘yicha jahon chempioni 250 ming dollarni qo‘lga kiritadi