Ispaniya La Ligasida 2015/16-yilgi mavsum rasman yakunlandi

• “Barselona” Ispaniya chempionligini qo‘lga kiritdi, “Real Madrid” kumush bilan cheklandi

Futbol bo‘yicha Ispaniya La Ligasida 15-may kuni so‘nggi — 38-tur uchrashuvlari bo‘lib o‘tdi.

• “Barselona” joriy mavsumda eng ko‘p futbolkalar sotgan klub bo‘ldi

• “Real” dunyoning eng qimmat futbol klubi maqomini saqlab qoldi

Elitada jon saqlab qolish uchun “Xetafe”, “Sporting” hamda “Rayo Valyekano” klublari jiddiy kurash olib bordi. Bu borada eng yaxshi imkoniyat “Xetafe”da bo‘lib turgandi. Biroq Xuan Esnayder shogirdlari “Betis”ga imkoniyatini boy berib, kelasi mavsumni Segunda ligasida o‘tkazadigan bo‘ldi.

Jar yoqasida borayotgan qolgan ikki klub — “Sporting” hamda “Rayo Valyekano” so‘nggi turni g‘alaba bilan yakunladi. “Sporting” Chempionlar Ligasi yo‘llanmasini qo‘lga kiritgan “Vilyarreal” ustidan zafar quchib, kelasi mavsumni ham La Ligada o‘tkazadigan bo‘ldi.

Shu tariqa, “Rayo Valyekano”, “Xetafe” va “Levante” jamoalari La Ligani tark etdi.

14-may kungi natijalarga ko‘ra, Kataloniyaning “Barselona” klubi ketma-ket ikkinchi bor oltin medalga ega chiqqan bo‘lsa, keyingi ikki o‘rinni Madridning ikki klubi — “Real” va “Atletiko” bo‘lib olgandi. “Vilyarreal” esa so‘nggi ikki turni boy berib ham, mavsumni kuchli to‘rtlikda yakunladi.

Mos ravishda 5-7-o‘rinlarni egallagan “Atletik”, “Selta” va “Sevilya” klublari kelasi mavsum Yevropa Ligasida ishtirok etadi. Joriy mavsum xalqaro maydonda o‘ynagan “Valensiya” esa 11-pog‘ona bilan cheklanib, hech narsaga erisha olmadi.

• Luis Suares bitta mavsumda 40 ta gol urgan La Liganing uchinchi futbolchisiga aylandi

• Ronaldu klub miqyosida qatorasiga 6 mavsumda 50 va undan ortiq gol kiritgan ilk futbolchiga aylandi

Ispaniya La Ligasi 38-tur bellashuvlari 15-may, yakshanba

“Espanyol” — “Eybar” 4:2

Gollar: Xerar Moreno, 13 (1:0). Marko Asensio, 32 (2:0). Borxa Gonsales, 57-pen (2:1). Marko Asensio, 66 (3:1). Xerar Moreno, 76 (4:1). Serxi Enrich, 90 (4:2).

“Malaga” — “Las-Palmas” 4:1

Gollar: Duye Chop, 26 (1:0). Villian, 31 (1:1). Sharles, 45+1-pen (2:1). Kristian Atsu, 84 (3:1). Sharles, 86 (4:1).

“Rayo Valyekano” — “Levante” 3:1

Gollar: Pablo Ernandes, 12 (1:0). Xosabed, 23 (2:0). Versa, 60-pen (2:1). Nikolas Fedor, 73 (3:1).

“Betis” — “Xetafe” 2:1

Gollar: Xerman Pesselya, 56 (1:0). Ruben Kastro, 73-pen (2:0). Alvaro Medran, 84 (2:1).Chetlatish: Emiliano Buendiya, 75 (X).

“Sporting” — “Vilyarreal” 2:0

Gollar: Xonatan Rodriges, 8 (1:0). Serxio Alvares, 79 (2:0).