Futbol bo‘yicha Germaniya Bundesligasida 32-tur bellashuvlari yakunlandi.
Ligada jon saqlab qolish yo‘lida kurash olib borayotgan “Verder” o‘zi kabi xavfli zonaga yaqin joylashgan “Shtutgart”ni qabul qilib, 6:2 hisobida muvaffaqiyat qozondi. Mazkur g‘alabasidan keyin Bremen klubi ochkolari sonini 34 taga yetkazib, 15-o‘ringa ko‘tarildi. “Shtutgart” esa avtomatik ravishda 16-pog‘onaga joylashdi.
Qayd etish kerak, “Shtutgart” ketma-ket yetti tur davomida zafar qucha olmadi. Mana shu o‘yinlarning 5 tasida raqiblariga imkoniyatni boy berdi. Navbatdagi turlarda klub “Maynts” hamda “Volfsburg” bilan o‘ynashi inobatga olinsa, mavsum yakuniga ko‘ra “Mersedes-Bens Arena” stadioni egasi Bundesliga bilan xayrlashishi ham mumkin.
Germaniya Bundesligasi 32-tur bellashuvi 2-may, dushanba
Izoh (0)