Futbol bo‘yicha Yevropa Chempionlar Ligasi yarim finali doirasidagi “Manchester Siti” — “Real” o‘yini oldidan madridliklar ustozi Zinedin Zidan o‘z fikrlarini bildirib o‘tdi, deb yozdi UEFA rasmiy sayti.
“Biz eng yaxshi formaga kirib oldik. O‘zimizning eng yaxshi futbolimizni ko‘rsatishga harakat qilamiz. Raqib darvozasiga gol urib, o‘z darvozamiz dahlsizligini saqlab qolish uchun o‘ynaymiz. Imkoniyatlarni 50 ga 50 deb, baholagan bo‘lardim. Bu shunday o‘yinki, unga qancha tayyorgarlik ko‘rma, maydonda hamma narsa butunlay boshqacha tus olishi mumkin. Muhimi, o‘yinga 150 foiz kuch bilan kirishish”, — deb ta’kidladi Zidan.
“Real” ustozi raqib “Manchester Siti” haqida iliq fikr bildirdi: — “Bizga a’lo darajadagi jamoa raqiblik qiladi. Agar sen ‘Siti’ futbolchilariga bo‘sh zonalar qoldirsang, klub seni jazolaydi. ‘Shaharliklar’ chiziqlar orasidagi bog‘liqlik sabab bizga muammolar keltirib chiqarishga harakat qiladi. Futbolchilarim to‘psiz o‘ynashda uyushqoq bo‘lishlari hamda qunt bilan himoyalanishlari kerak. To‘pni egallab olganimiz hamonoq hujumga o‘tishga harakat qilamiz”, — deb Zidanning so‘zlaridan iqtibos keltirgan UEFA rasmiy sayti.
Izoh (0)