Yaponiyadagi xalqaro turnirda ishtirok etayotgan O‘zbekiston futzal terma jamoasi musobaqani 2-o‘rinda yakunladi, deb xabar berdi O‘zbekiston Futzal Uyushmasi rasmiy sayti.
Yaponiya, Vyetnam hamda O‘zbekiston terma jamoalari ishtirokidagi musobaqa uch kunda o‘z nihoyasiga yetdi. Turnirning so‘nggi turida mezbon yaponiyalik futzalchilar jahon chempionati ishtirokchisi hisoblangan O‘zbekistondan ustun bo‘la olmadi. Qayd etish kerak, Yaponiya 1-turda Vyetnam darvozasiga javobsiz 7 ta gol urgandi.
Avvaliga Vyetnam bilan, keyin esa Yaponiya bilan murosaga rozi bo‘lgan O‘zbekiston terma jamoasi qo‘lga kiritilgan 2 ochko evaziga turnirni 2-o‘rinda yakunladi. Yaponiya futzal terma jamoasi mundial chiptasini Toshkent mezbonlik qilgan Osiyo Chempionatida boy bergan bo‘lsa, O‘zbekiston va Vyetnam termalari Kolumbiya mezbonlik qiladigan jahon chempionatida ishtirok etish huquqini qo‘lga kiritgan.
24-aprel, yakshanba
Izoh (0)