Futbol bo‘yicha O‘zbekiston Oliy Ligasida 4-turning 9-aprel sanasiga tayin qilingan bellashuvlari o‘z yakuniga yetdi.
Dastlabki uch turda raqiblariga imkoniyatni boy bergan “Andijon” vodiy derbisida “Neftchi” ustidan zafar quchdi — 2:1. Bellashuvda hisob farg‘onalik futbolchilar tomonidan ochilganiga qaramay, “Neftchi” g‘alabani ham, keyinroq durangni ham saqlab qola olmadi.
“Olmaliq” klubi ham dastlabki uch turning barchasida raqiblaridan yengilgandi. Toshkent viloyati derbisida “Metallurg”ni qabul qilgan Igor Shkvirin jamoasi mavsumdagi birinchi 3 ochkosini qo‘lga kiritdi.
Qiziq tomoni, 49-daqiqaga kelib bosh hakam “Olmaliq” futbolchisini ikkinchi sariq kartochka evaziga maydondan chetlatdi. Mezbonlar bir kishi bo‘lib qolganidan so‘ng, “Metallurg” darvozasi ikki bor ishg‘ol etildi. Bekobod klubi bunga qadar o‘tkazilgan 3 ta turda 9 ochko ishlashga muvaffaq bo‘lgandi.
Turning qolgan o‘yinlari 10—11-aprel kunlari bo‘lib o‘tadi.
Oliy Liga 4-tur bellashuvlari 9-aprel, shanba
“Andijon” — “Neftchi” 2:1
Gollar: Otabek Isroilov, 23 (0:1). Alisher Shog‘ulomov, 25 (1:1). Anvar Berdiyev, 66-pen (2:1).“Olmaliq” — “Metallurg” 2:0
Gollar: Doniyor Ismoilov, 64 (1:0). Farhod Tojiyev, 83 (2:0).Chetlatish: Rahmatillo Berdimurodov, 49 (O).“Qo‘qon—1912” — “Buxoro” 0:1
Gol: Salomat Qutiboyev, 78 (0:1).“Mash’al” — “Navbahor” 2:1
Gol: Shahzod Shaymanov, 45 (1:0). Dilshod Jabborov, 70 (1:1). Zafar To‘rayev, 76 (2:1).“Obod” — “Qizilqum” 2:2
Gollar: Ilhom Yunusov, 13-pen (0:1). Pavel Solomin, 25 (1:1). Shoxruz Norxonov, 57 (2:1). Fayzulla Qambarov, 86 (2:2).10-aprel, yakshanba“Sho‘rtan” — “Bunyodkor”“So‘g‘diyona” — “Lokomotiv”
11-aprel, dushanba“Paxtakor” — “Nasaf”
Izoh (0)